Podcasts
Un podcast é un ficheiro sonoro que forma parte dunha serie de ficheiros similares, como se fose un programa de radio. En xeral, pódense escoitar directamente accedendo a súa páxina web, descargar episodios individuais para escoitar nun reproductor portátil, ou suscribirse á serie por medio dun programa como iTunes o Juice para ir descargando automaticamente os episodios ao reproductor portátil a medida que van estando dispoñibles.
Os podcasts son estupendos para practicar a comprensión oral escoitándoos no reproductor portátil mentres vas no bus ou tes un rato libre. Hainos específicos para estudiantes de inglés onde se tratan cuestións de gramática e vocabulario. Convén non desanimarse aínda que ao principio non se entenda moito: sempre se entende algo e coa práctica pouco a pouco vaise comprendendo máis.
Algúns podcasts da lista inferior non se poden escoitar directamente na súa páxina. Se non tes un iPod e iTunes, necesitarás descargar e instalar un receptor de podcasts, por exemplo Juice. Na páxina do podcast atoparás o enderezo do ficheiro RSS (podcast feed) que necesita Juice para recibir o podcast. Para máis detalles podes ler Step by step guide to getting a podcast.
- Listen to English - learn English!
- Podcasts breves (3-5 min.) en inglés británico adecuados para estudiantes de nivel intermedio.
- English as a Second Language Podcast
- Podcasts máis longos en inglés americano.
- The Bob and Rob Show
- Podcasts longos (15-20 min.) en inglés británico e americano para estudiantes máis avanzados.
- Englishcaster
- Buscador de podcasts específicos para aprender inglés.
- Podcasts from the BBC
- Podcasts da BBC. Non están pensados para estudiantes pero son programas de gran calidade útiles para estudiantes de nivel intermedio alto e avanzado.
- From Our Own Correspondent
- Reflexións persoais dos corresponsais da BBC no estranxiero sobre temas de actualidade. Moi recomendables.
